Dekhna Jab Mujhe Kar Shan Ye Gali Dena

dekhna jab mujhe kar shaan ye gaali dena

kis se tum sikhe ho har aan ye gaali dena

ikhtilat aap se aur mujh se kahan ka aisa

vaah ji jaan na pahchan ye gaali dena

ab to nadan ho suna chaho so pyare kah lo

par tumhen hovega nuqsan ye gaali dena

akhirash hogi jo un par to kise bhavega

chand roz aur hi mehman ye gaali dena

tohmat-e-bosa abas deti ho manzur jo ho

kar ke be-faeda bohtan ye gaali dena

dijiye dijiye hai ain saadat apni

ashiqon par to hai ehsan ye gaali dena

tere ghussa se jo ‘insha’ ho khafa nahaq hai

haan tujhe chahiye nadan ye gaali dena

Leave a Comment