Govind Gulshan
shaḳhsiyat us ne chamak-dar bana rakkhi hai
zehniyat kya kahen bimar bana rakkhi hai
is qadar bhiiḌ ki dushvar hai chalna sab ka
aur ik vo hai ki raftar bana rakkhi hai
ek mushkil ho to asan bana li jaa.e
us ne to zindagi dushvar bana rakkhi hai
paas aa jaata hai main duur chala ja.un to
us ne duuri bhi lagatar bana rakkhi hai
zehn aur dil men jo an-ban hai vo an-ban na rahe
is liye darmiyan divar bana rakkhi hai
shaḳhs kaisa hai vo kya hai nahin ma.alum hamen
shahr men us ne magar dhaar bana rakkhi hai
Leave a Reply