Mearaj-E-Irtiqa Hai Tamasha Na Jaaniye

me.arāj-e-irtiqā hai tamāshā na jāniye

tahzīb-e-asr-e-nau ko barahna na jāniye

ubhrā bahut pe lauh-e-samā.at se duur duur

harf-e-sadā ko ab ke kahīñ kā na jāniye

hone ko is safar meñ bahut rā.egāñ hue

lekin hameñ shikast kā nauha na jāniye

bas apnī hā-o-hū se hī raunaq hai chār-sū

vīrāniyoñ ko zīnat-e-sahrā na jāniye

tūfāñ kā naam sun ke laraztī to hai magar

dīvār-e-jism-o-jāñ ko shikasta na jāniye

Leave a Comment