nigar-e-sub.h-e-daraḳhshan se lau laga.e hue
hain apne dosh pe apni salib uTha.e hue
guzar rahe hain dabe paanv vaqt ki manind
faraz-e-dar pe apni nazar jama.e hue
sila mile na mile ḳhun-e-dil chhiḌakte chalen
har ek ḳhaar hai dast-e-talab baḌha.e hue
vo ab bhi saya-e-abr-e-ravan ko takte hain
jinhen zamana hua apna ghar jala.e hue
chhalak saka na kabhi jam-e-chashm-e-tar ‘mohsin’
agarche umr hui ham ko gunguna.e hue
Leave a Reply