Dr Naresh
tire firaq men jab bhi bahar guzri hai
hamen rula ke lahu baar baar guzri hai
panah ḳhuda ki hasinon ki bad-mizaji se
miri dua bhi unhen nagavar guzri hai
tamam raat sitaron ke saath roya huun
na puchh kaise shab-e-intizar guzri hai
tira nasib agar tu ne pi nahin zahid
bahar varna baḌi pur-bahar guzri hai
ham apne dard ko ro.en to kis liye aḳhir
shab-e-firaq kise sazgar guzri hai
kisi ki yaad men ham ko ‘naresh’ taḌpa kar
uTha ke hashr nasim-e-bahar guzri hai
Leave a Reply