Rasheed Qaisrani
tanha.iyon ka habs mujhe kaTta raha
mujh tak pahunch saki na tire shahar ki hava
vo qahqahon ki sej pe baiTha hua mila
main jis ke dar pe dard ki barat le gaya
ik umr justuju men guzari to ye khula
vo mere paas tha main jise DhunDhta raha
nikla huun lafz lafz se main Duub Duub kar
ye mera ḳhat hai ya koi dariya chaḌha hua
ankhon men jaise kanch ke TukḌe chubho liye
palkon pe teri kaash main aansu na dekhta
nazren milin to vaqt ki raftar tham ga.i
nazuk se ek lamhe pe barson ka bojh tha
main ne baḌha ke haath use chhu liya ‘rashid’
itna qarib aaj mire chand aa gaya
Leave a Reply