ik alam-e-hijran hi ab ham ko pasand aaya
ye khana-e-viran hi ab ham ko pasand aaya
benam-o-nishan rahna ghurbat ke ilaqe men
ye shahr bhi dilkash tha tab ham ko pasand aaya
tha laal hua manzar suraj ke nikalne se
vo vaqt tha vo chehra jab ham ko pasand aaya
hai qat-e-taalluq se dil khush bhi bahut apna
ik had hi bana lena kab ham ko pasand aaya
aana vo ‘munir’ us ka be-khauf-o-khatar ham tak
ye turfa tamasha bhi shab ham ko pasand aaya
Leave a Reply