Tashna Azmi
kuchh paane ki hasrat men jal jaane chale aa.e
parvanon ki basti men divane chale aa.e
qimat bhi na mil paa.i mujh ko mire ashkon ki
ḳhidmat men sitam-gar ke nazrane chale aa.e
allah sitam kaisa be-dard zamane ka
be-yar sutunon ko sab Dhane chale aa.e
jab zabt na kar paa.e iflas ki shiddat ham
bazar-e-ghulaman men bik jaane chale aa.e
ik buund ko tarse hain ham jaise yahan ‘tashna’
un ke dar-e-a.ali par mai-ḳhane chale aa.e
Leave a Reply