Akhtar Ansari
jan-sapari ke bhi arman zindagi ki aas bhi
hifz-e-namus-e-alam bhi nish-e-gham ka paas bhi
ḳhaak dar-bar hi sahi main ḳhaak bhi vo ḳhaak hai
jis men mere zaḳhm-e-dil ki bu bhi hai aur baas bhi
kitne daur-e-charḳh un ankhon ne dekhe kuchh na puchh
miT chuka hai vaqt ki raftar ka ehsas bhi
haae vo ik nashtar-agin neshtar-afroz yaad
jis ke aage hech apni burrish-e-infas bhi
ham na the kuchh ḳhud hi us saude pe raazi varna yuun
raas aane ko ye duniya aa hi jaati raas bhi
ḳhud ko ai dil yas-e-kamil ke havale yuun na kar
jhankti hai zehn ke ghurfe se koi aas bhi
kaun us vaadi se uchhla ta-sar-e-arsh-e-barin
gum hain jis vaadi men ‘aḳhtar’ ḳhizr bhi ilyas bhi
Leave a Reply