Wahshat Raza Ali Kalkatvi
lutf-e-nihan se jab jab vo muskura diye hain
main ne bhi zaḳhm dil ke un ko dikha diye hain
kuchh harf-e-arzu tha kuchh yad-e-aish-e-rafta
jitne the naqsh dil men ham ne miTa diye hain
fart-e-gham-o-alam se jab dil hua hai giryan
us ne inayaton ke dariya baha diye hain
dekhe hain tere tevar dhoka na kha.enge ab
uThte the valvale kuchh ham ne daba diye hain
us dil-nashin ada ka matlab kabhi na samjhe
jab ham ne kuchh kaha hai vo muskura diye hain
shoḳh kar diya hai chheḌon se ham ne tum ko
kuchh hausle hamare tum ne baḌha diye hain
koi tujh ko dekhe parda uThane vaale
tu ne tajalliyon ke parde gira diye hain
karta huun ‘vahshat’ un se arz-e-niyaz-e-pinhan
is kaam ke tariqe dil ne bata diye hain
Leave a Reply