Rana Abdurrab
saḌak ka dard daraḳhton se ham-kanar na ho
musafiron ko bhi itna safar se pyaar na ho
zamana bol raha ho to muḳhtasar bole
agar vo bol raha ho to iḳhtisar na ho
zamin apne kaTav pe ro ke kahti hai
daraḳht kaTne valon pe e’tibar na ho
kisi ne Theka nahin le rakha zamane ka
tumhara gham ho to phir kaun sogvar na ho
main ik ishare pe nikla huun qafile se ki bas
jo be-dili ka ishara hai bar-bar na ho
isi maqam ko zillat ki maut kahte hain
koi shu.ur ke mausam men sharmsar na ho
zamana aise miri dastaras men hai ‘abdul’
ki jaise baap ko beTon pe iḳhtiyar na ho
Leave a Reply