sada ka loch suḳhan ka nikhar le ke chale
tiri nazar se fusun-e-bahar le ke chale
tire jamal ki sub.h-e-javan thi ankhon men
jabin pe sham-e-sitam ka ghubar le ke chale
rah-e-vafa men mata-e-safar ki baat na puchh
bas ek zindagi-e-musta.ar le ke chale
na yaar lutf pe maa.il na shahr dard-shanas
kahan ye ham dil-e-ummid-var le ke chale
talab ki raah men ik ye bhi hadisa guzra
ham apne zauq-e-nazar ka vaqar le ke chale
Leave a Reply