sada fariyad ki aa.e kahin se
vo zalim bad-guman hoga hamin se
ḳhuda samjhe but-e-sehr-afrin se
gareban ko laḌaya astin se
chaman hai sho.ala-e-gul se charaghan
bahar aa.i nava-e-atishin se
ḳhirad hai ab bhi jis ke hal se aajiz
vo nukte hal kiye ham ne yaqin se
salamat vus.at-abad-e-mohabbat
bahut aage hain ham duniya-o-din se
ma.az-allah jalal us astan ka
Tapak paḌte hain sajde ḳhud jabin se
Leave a Reply