Kashif Rafiq
ik to ye zindagi hi sarasar fareb hai
aur us pe agahi bhi barabar fareb hai
rahne do un ko ishq-o-junun ke sarab men
talḳhi hai utni sach men ki behtar fareb hai
ta.abir tere ḳhvab ki ma.alum hai mujhe
tujh kushta-e-guman ka muqaddar fareb hai
ik aur asman bhi hai is asman par
goya yahan fareb ke uupar fareb hai
hai vaqi.a kuchh aur hi ‘kashif’ pas-e-hijab
jo aankh dekhti hai vo manzar fareb hai
Leave a Reply