Hajra Noor Zaryab
sach pe hi sabit-qadam Thahri thi main
aur jhuTi baat par ruThi thi main
der se aamad ki hi sun kar naved
aap ki tasvir se uljhi thi main
tujh se mil kar baḌh ga.i vaq.at miri
varna pahle ḳhud ko kab samjhi thi main
tu ne paḌh kar kar diya mujh ko ghazal
varna harf-e-mohmila jaisi thi main
kar diya ‘zaryab’ ne shahin mujhe
sha.iri ke baagh ki titli thi main
Leave a Reply