Poet
tirgi taaq men jaḌi hui hai
dhuup dahliz par paḌi hui hai
dil pe nakamiyon ke hain paivand
aas ki soi bhi gaḌi hui hai
mere jaisi hai meri parchha.in
dhuup men pal ke ye baḌi hui hai
gher rakkha hai na-rasa.i ne
aur ḳhvahish vahin khaḌi hui hai
main ne tasvir phenk di hai magar
kiil divar men gaḌi hui hai
harta bhi nahin gham-e-dauran
zid pe ummid bhi aḌi hui hai
dil kisi ke ḳhayal men hai gum
raat ko ḳhvab ki paḌi hui hai
Leave a Reply