KHushbu Hamare Pyar Ki Us Tak Pahunch Gai

Khushboo Saxena

ḳhushbu hamare pyaar ki us tak pahunch ga.i

tasvir e’tibar ki us tak pahunch ga.i

avaz de raha tha koi duur se mujhe

tanha.i intizar ki us tak pahunch ga.i

kal shaam hi to us se mili thi miri nazar

shiddat mire ḳhumar ki us tak pahunch ga.i

vo mujh ko chahta hai mujhe tab pata chala

chabi jab iḳhtiyar ki us tak pahunch ga.i

pagal hava ne haal sab us ko bata diya

ya.ani ḳhabar bahar ki us tak pahunch ga.i