P P Srivastava Rind
sabz-ruton men rang-e-ḳhizani paḌhte hain
har chehre par ek kahani paḌhte hain
naam nahin hai koi bhi darvaze par
taḳhti par bas ek nishani paḌhte hain
tishna-lab lahron ne kya kya likh Daala
ḳhushk ret par paani paani paḌhte hain
naya sabaq to yaad nahin hota ham ko
jab paḌhte hain baat purani paḌhte hain
jab koi manus si ḳhushbu aati hai
lams men us ke raat ki raani paḌhte hain
fursat ke lamhon men ham aksar ai ‘rind’
tahriren jaani pahchani paḌhte hain
Leave a Reply