sabhi raste tire naam ke sabhi fasle tire naam ke
kabhi mil mujhe miri soch ke sabhi da.ere tire naam ke
mire kaam ke to nahin hain ye ye jo mere lat-o-manat hain
ye mujhe aziiz hain is liye ki hain silsile tire naam ke
main sharab piita to kis tarah mujhe tere hukm ka paas tha
magar aaj saaqi ne jab diye mujhe vaste tire naam ke
koi mimbaron pe hai mo’tabar koi sar-kashida hai daar par
vo sahulaten tire zikr ki ye mujahide tire naam ke
yahan jo bhi tha vo tujhi se tha yahan jo bhi hai vo tujhi se hai
sabhi aks hain tiri zaat ke sabhi rang the tire naam ke
abhi main ne zulmat-e-shab ki samt nigah Daali thi ghaur se
ki kisi ne dil ki munDer par diye rakh diye tire naam ke
Leave a Reply