Zohheb Farooqui Afrang
sabhi dil-shad manzar chhoḌ aaya
safar men huun main ghar-var chhoḌ aaya
ta.alluq tishnagi se hai purana
ye socha aur samundar chhoḌ aaya
miri qurbaniyan kya puchhte ho
parinda huun aur ambar chhoḌ aaya
bhaTakne ka tha aisa shauq mujh ko
ki main daman-e-rahbar chhoḌ aaya
jahan se zindagi ki ibtida ki
usi ja maut ka Dar chhoḌ aaya
marammat men bahut ḳharcha tha sahab
main apne ḳhvab jarjar chhoḌ aaya
mujhe ‘afrang’ dukh is baat ka hai
main us ki ankhon ko tar chhoḌ aaya
Leave a Reply