sabab nahin tha koi yuun to apne rone ka
hua tha shauq magar astin bhigone ka
ye kis ḳhayal men din-rat ab guzarte hain
na jagne ka koi vaqt hai na sone ka
ham apne aap ko paane men is qadar gum the
hamen mila hi nahin vaqt us ko khone ka
vo mauj-e-tund bhi dariya ki tah men Duub ga.i
jise tha shauq bahut kashtiyan Dubone ka
bas ek lams ki shahid to meri hasti hai
ajab surur tha miTTi tire khilaune ka
Leave a Reply