Ammar Yasir Migsi
hai shaam udaas aziyyat dua namaz aur ishq
hai dasht chand hava main ḳhuda namaz aur ishq
udhar hain shikve takabbur ana ḳhuda aur husn
idhar hain ashk-e-nadamat qaza namaz aur ishq
sukut andhera tahajjud ka vaqt raat charagh
tumhare paanv mire honT ada namaz aur ishq
yazid zulm sitam taḳht taaj bai.at fauj
husain sabr raza karbala namaz aur ishq
Leave a Reply