yuun to haaji bhi tha mulla bhi tha vo piir bhi tha
misal-e-sa.is magar tera inan-gir bhi tha
sainkaḌon tarah ki chizen thiin dinner men lekin
ye to farma.en vahan qima-e-ḳhinzir bhi tha
yuun to mizhgan ke kaTaron se musallah the sabhi
mah-vash un men koi dast-ba-shamshir bhi tha
meri hi aankh ka tinka nazar aaya sab ko
varna kuchh logon ki ankhon men to shahtir bhi tha
paḌh ke collage men bhi masjid ki imamat hi mili
is men kuchh sha.iba-e-ḳhubi-e-taqdir bhi tha
na hua hashim-e-ayyar ke dil men suraḳh
ai shikari tire tarkash men koi tiir bhi tha
Leave a Reply