abbas-rizvi

Tabir Ko Tarse Hue Khwabon Ki Zaban Hain

taabir ko tarse hue khvabon ki zaban hain

tasvir ke honton pe jo boson ke nishan hain

ankhon men tar-o-taza hain jis ahd ke manzar

ham log usi ahd-e-guzishta men javan hain

nilam hamara bhi isi shart pe hoga

ham raunaq-e-bazar hain jaise hain jahan hain

dil tha ki kisi saat-e-pur-khun men hua sard

ankhen hain ki ab tak tiri janib nigaran hain

divar pe likkha hai ki ab sub.h na hogi

aur saya-e-divar men ham raqs-kunan hain

More Poems

Leave a Comment