Ashfaq Husain
na.i duniya na.e manzar na.e afkar mile
sab shajar naql-e-makani ke samar-bar mile
bad-e-hijrat to hamen le ke jahan aa.i hai
un gali-kuchon men insanon ke shahkar mile
ḳhubsurat se kisi baar ke ik goshe men
dil ki tanha.i miTane ko ka.i yaar mile
kahin kho jaane ka dukh ek haqiqat hi sahi
apni pahchan ke bhi nit-na.e asar mile
kab talak sar pe virasat ki rida le ke chalen
kyon na ab ham ko koi saya-e-divar mile
Leave a Reply