abrar-ahmad

Rah Dushwar Bhi Hai Be-Sar-O-Samani Bhi

raah dushvar bhi hai be-sar-o-samani bhi

aur is dil ko hai kuchh aur pareshani bhi

ye jo manzar tire aage se sarakta hi nahin

is men shamil hai tiri aankh ki hairani bhi

apne majbur pe kuchh aur karam ho ki use

kam padi jaati hai ab gham ki faravani bhi

sirf afsos ka saaya hi nahin hai ham par

ham ki hain khvab-e-tab-o-tab ke zindani bhi

be-niyazi ki vo khu jaise kabhi thi hi nahin

khvab the jaise vo ayyam-e-tan-asani bhi

rah tiri chhod ke kyuun janib-e-duniya aae

ham ko jiine nahin deti ye pashemani bhi

More Poems

Leave a Comment