paak hai lazzat-e-ishrat se zaban-e-vaiz
jo bala aae ilahi so ba-jan-e-vaiz
ham-nafas bagh-e-jinan ghar hai gunahgaron ka
DhunDh dozakh men kahin ja ke makan-e-vaiz
khidmat-e-rind qadah-nosh men ye be-adabi
ji men hai katiye danton se zaban-e-vaiz
khud-faramosh hai kya aur ko samjhaega
rast-bazon se kaji par hai guman-e-vaiz
kyuun na ho tir-e-isharat se aalam majruh
qadd-e-kham-gashta hai goya ki kaman-e-vaiz