shabab ho ki na ho husn-e-yar baaqi hai
yahan koi bhi ho mausam bahar baaqi hai
kuchh aisi aaj pila.i hai chashm-e-saqi ne
na hosh hai na koi hoshiyar baaqi hai
pukarta hai junun hosh men jo aata huun
Thahar Thahar abhi fasl-e-bahar baaqi hai
kamal-e-ishq to dekho vo aa ga.e lekin
vahi hai shauq vahi intizar baaqi hai
kisi sharab ki ho kya talab ‘jalil’ mujhe
mai-e-alast ka ab tak ḳhumar baaqi hai
Leave a Reply