shabab ho ki na ho husn-e-yar baqi hai

shabāb ho ki na ho husn-e-yār baaqī hai

yahāñ koī bhī ho mausam bahār baaqī hai

kuchh aisī aaj pilā.ī hai chashm-e-sāqī ne

na hosh hai na koī hoshiyār baaqī hai

pukārtā hai junūñ hosh meñ jo aatā huuñ

Thahar Thahar abhī fasl-e-bahār baaqī hai

kamāl-e-ishq to dekho vo aa ga.e lekin

vahī hai shauq vahī intizār baaqī hai

kisī sharāb kī ho kyā talab ‘jalīl’ mujhe

mai-e-alast kā ab tak ḳhumār baaqī hai

Leave a Comment