Sab Khayal Uske Liye Hain Sab Sawal Uske Liye

sab ḳhayal us ke liye hain sab saval us ke liye

rakh diya ham ne hisab-e-mah-o-sal us ke liye

us ki ḳhushbu ke ta.aqub men nikla aaya chaman

jhuk gai su-e-zamin lamhe ki daal us ke liye

sarv ta ḳhak-e-giyah apni vafa ka silsila

sar-kashida us ki ḳhatir paemal us ke liye

kya makan-ḳhurda ḳhalaiq men chale us ka ḳhayal

tang-ha-e-shahr kuchh rasta nikal us ke liye

shaḳh-e-tanhai se phir nikli bahar-e-fasl-e-zat

apni surat par hue ham phir bahal us ke liye

vasl ke badle men kya dagh-e-sitara mangna

is shab-e-be-ḳhanaman se kar saval us ke liye

Leave a Comment