poet

Ruthoge Be-Sabab To Manaya Na Jaega

ruthoge be-sabab to manaya na jaega

beja tumhara naaz uthaya na jaega

vo saath laaen ghair ko gar bazm men to kya

ankhon pe minnaton se bithaya na jaega

yuun mere saath bazm men ghairon ka baithna

vo e’tiraz hai ki uthaya na jaega

hoga asar jo dil men to khud jaan lenge vo

‘mushtaq’ ham se ishq jataya na jaega

More Poems

Leave a Comment