Sahra Se Wapas Aae Hain Dube Hain Pyas Mein

sahrā se vāpas aa.e haiñ Duube haiñ pyaas meñ

bhar do samundaroñ ko hamāre gilās meñ

dil meñ ḳhayāl-e-ḳhāk-e-tamannā liye hue

leTā huā hai kaun ye maile libās meñ

maujoñ kā lahja dekh ke mahsūs ye huā

dariyā nahīñ hai aaj to hosh-o-havās meñ

apne hasīn ḳhvāb kī ta.amīr ke liye

bechā hai ḳhud ko maiñ ne mahājan ke paas meñ

‘anvar’ matā-e-dard kī tārīkiyāñ liye

aayā hai kitnī duur ujāloñ kī aas meñ

Leave a Comment