Poet
ruuTh jaa.e vo mah-jabin na kahin
lab pe aa jaa.e phir nahin na kahin
ham ne duniya ko chhan maara hai
tujh sa dekha magar hasin na kahin
teri janib se mujh ko khaTka hai
ghair ho jaa.e dil-nashin na kahin
shikva dushman ka karte Darta huun
ho vahi mar-e-astin na kahin
dil ko mere chura ke le jaa.e
vo but-e-sehr-afrin na kahin
ye na kahiye kisi se ulfat se
kha.en dhoka yahan hamin na kahin
mudda.a dil ka kya kahen us se
ham se bigḌe vo naznin na kahin
dil kisi but ke dil se milta hai
ek ho jaa.en kufr-o-din na kahin
sher kahna samajh ke ai shankar
koi mil jaa.e nukta-chin na kahin
Leave a Reply