Hasan Nizami
rut hai aisi ki dar-o-bam na saa.e honge
log palkon pe hasin ḳhvab saja.e honge
vaqt ke saath badal jaate hain chehre saare
aaj apne hain yahi log para.e honge
log isi vaj.h se pathrav kiya karte hain
aap shishe ki dukan ḳhuub saja.e honge
raah hamvar na asan tha husul-e-manzil
hausle ham ne bahut apne ganva.e honge
yunhi ehsas-e-nadamt to nahin un ko ‘hasan’
apne hathon se hi ghar apna jala.e honge
Leave a Reply