ahmad-mahfuz

Uth Ja Ki Ab Ye Mauqa Hathon Se Ja Rahega

uth ja ki ab ye mauqa hathon se ja rahega

ye karvan hai akhir kab tak ruka rahega

zakhmon ko ashk-e-khun se sairab kar raha huun

ab aur bhi tumhara chehra khila rahega

yuun to bahut hai mushkil band-e-qaba ka khulna

lekin khula to phir ye uqda khula rahega

sargarmi-e-hava ko dekha hai paas dil ke

is aag se ye jangal kab tak bacha rahega

khulti nahin hai yarab kyuun niind raftagan ki

kya hashr tak ye aalam soya pada rahega

vaqt-e-zaval hai ham khilvad dekhte hain

uthiye ki ye tamasha yuun hi laga rahega

yaksar hamare baazu shal ho rahe hain yarab

akhir daraz kab tak dast-e-dua rahega

More Poems

Leave a Comment