Ashu Mishra
is se kya baḌh ke bad-nasibi ho
ek sha.ir jo falsafi bhi ho
ik mohabbat mujhe bhi hai darkar
jo ki pahli ho aḳhiri bhi ho
ek manzar ho shant Thahra hua
jis men bahti hui nadi bhi ho
ik kahani hai mere baare men
tum ne shayad kahin suni bhi ho
yaad vo shai hai jis ke marne par
dil men matam bhi ho ḳhushi bhi ho
kya ḳhabar us ke duur jaane ka
ik sabab meri ḳhamushi bhi ho
Leave a Reply