Shaheen Abbas
ghubar sham-e-vasl ka bhi chhaT gaya
ye aḳhiri hijab tha jo haT gaya
huzuri-o-ghayab men paḌa nahin
mujhe palaTna aata tha palaT gaya
tiri gali ka apna ek vaqt tha
isi men mera saara vaqt kaT gaya
ḳhayal-e-ḳham tha so chiḳh uTha huun phir
mira ḳhayal tha ki main nimaT gaya
hamare inhimak ka uḌa mazaq
vahi hua na phir varaq ulaT gaya
baja ki donon vaqt phir se aa mile
magar jo vaqt darmiyan se haT gaya
Leave a Reply