Iftikhar Haidar
baḌhao haath baḌhao faqir mauj men hai
tavangaro idhar aao faqir mauj men hai
jise bhi chahiye ḳhairat-e-nur le jaa.e
bhaḌak raha hai alaav faqir mauj men hai
ḳharid le na tumhari ye ka.enat tamam
use batana na bhaav faqir mauj men hai
gira hua to nahin hai zamin ko thame hai
zamin se na uThao faqir mauj men hai
bas ik tariqa hai us ke qarib jaane ka
dhamal Dalte jaao faqir mauj men hai
abhi tum us ki nigahon se do-jahan dekho
abhi subu na uThao faqir mauj men hai
ḳhamosh baiTha hua hai ḳhamosh rahne do
aur apni ḳhair manao faqir mauj men hai
Leave a Reply