Sufi

Kam-Nigahi Bhi Hai Khamoshi Bhi Ruposhi Bhi

kam-nigahi bhi hai khamoshi bhi ruposhi bhi

kitni maasum hai ehsan-faramoshi bhi

ham-safar tu jo nahin hai to ye dhadka hai hamen

thak na jaae kahin raste men vafa-koshi bhi

ab tu hi rakhna mire pairahan-e-gham ka khayal

hosh ki tarah se rusva na ho be-hoshi bhi

ghar men rahiye to siva hoti hai vahshat ‘fakhir’

chikhne lagti hai tanhai men khamoshi bhi

More Poems

Leave a Comment