kabhi kisi ko mukammal jahan nahin milta
kahin zamin kahin asman nahin milta
tamam shahr men aisa nahin khulus na ho
jahan umiid ho is ki vahan nahin milta
kahan charagh jalaen kahan gulab rakhen
chhaten to milti hain lekin makan nahin milta
ye kya azaab hai sab apne aap men gum hain
zaban mili hai magar ham-zaban nahin milta
charagh jalte hain binai bujhne lagti hai
khud apne ghar men hi ghar ka nishan nahin milta
Leave a Reply