Shadan Indauri
ai junun vo gul khila saara chaman dekha kare
jab gareban chaak ho jaa.e bahar aaya kare
zulf-e-janan jab sanvarne ke liye tarsa kare
abr-e-rahmat ham gunahgaron pe kya saaya kare
aankh khol ai mahv-e-ḳhud-bini kahin aisa na ho
a.ina-ḳhanon men a.inon se Takraya kare
dekh kar kaali ghaTa.en hosh kho dete hain log
apne gesu khol de koi to duniya kya kare
ḳhud-faroshi hai ba-alfaz-e-digar shukr-e-karam
aadmi kuchh soch kar to haath phailaya kare
ab kahan sangini-e-halat se pahle ki baat
koi patthar mere shishe se na Takraya kare
ab to is yaksaniyat se zindagi ghabra ga.i
jo hansa hansta rahe jo ro diya roya kare
Leave a Reply