kuchh chamakta sa tah-e-ab nazar to aa.e
Dubne ke liye girdab nazar to aa.e
koi ta.abir ki surat bhi nikal aa.egi
niind to aa.e kabhi ḳhvab nazar to aa.e
band kamre ki faza kis ko bhali lagti hai
mere atraf men mahtab nazar to aa.e
do ghaḌi Thahrun kahin main bhi zara dam le luun
raah men ḳhitta-e-shadab nazar to aa.e
main shikasta huun idhar tu bhi shikasta hai udhar
jang men koi zafar-yab nazar to aa.e
mushkilen gher ke baiThi hain mira ghar ‘alam’
ab zara halqa-e-ahbab nazar to aa.e
Leave a Reply