be-kasana ji giraftari se shevan men raha
ik dal gham-khvar rakhte the so gulshan men raha
panja-e-gul ki tarah divangi men haath ko
gar nikala men gareban se to daman men raha
shama saan jalte rahe lekin na toda yaar se
rishtha-e-ulfat tamami umr gardan men raha
dar se us shamshir-zan ke jauhar aina saan
sar se le kar paanv tak main gharq aahan men raha
ham na kahte the ki mat dair-o-haram ki raah chal
ab ye daava hashr tak shaikh-o-barahman men raha
darpai dil hi rahe us chehre ke khal-e-siyah
dar hamen un chonton ka roz-e-raushan men raha
aah kis andaz se guzra bayaban se ki ‘mir’
ji har ik nakhchir ka us said-e-afgan men raha
Leave a Reply