nazeer-akbarabadi

Aaghosh-E-Tasawwur Mein Jab Maine Use Maska

aghosh-e-tasavvur men jab main ne use maska

lab-ha-e-mubarak se ik shor tha ”bas bas” ka

sau baar harir us ka maska nigah-e-gul se

shabnam se kab ai bulbul pairahan-e-gul maska

us tan ko nahin taqat shabnam ke talabbus se

ai dast-e-havas is par tu qasd na kar mas ka

malti hai pari ankhen aur huur jabin sa hai

hai naqsh-e-jahan yaaro us pa-e-muqaddas ka

tar rakhiyo sada ya-rab tu is mizha-e-tar ko

ham itr lagate hain garmi men isi khas ka

is girya-e-khunin ki daulat se ‘nazir’ apne

ab kalba-e-ahzan men kul farsh hai atlas ka

More Poems

Leave a Comment