Rahraw-E-Rah-E-KHarabaat-E-Chaman

rahrav-e-rāh-e-ḳharābāt-e-chaman

tū savār-e-shauq-e-sultānī meñ fan

tesha-e-azm-e-javāñ dāman meñ rakh

aa ke phir ik baar ho jā kohkan

koī saaya zindagī kā gar mile

chāk-e-gul ho kar pahan lenā kafan

kis ne dī hai us ke hāthoñ meñ inaañ

bāñTtā hai shahr meñ maġhrib kā dhan

jis meñ thī tah-dārī-e-mansūriyat

vo anal-haq kā kahāñ hai bāñkpan

aa uThā phir sāġhar-o-mīnā chaleñ

phir se ho jaa.e vo pahle sā suḳhan

Leave a Comment