ḳharabe men bauchhar ho kar rahegi
gali dil ki gulzar ho kar rahegi
hukumat ghamon ki nahin chalne vaali
masarrat ki yalghar ho kar rahegi
ki shaḳhon pe phulon ke guchchhe to dekho
ye baghiya samar-dar ho kar rahegi
bhare ja.enge ghaar parbat gira kar
ye dharti to hamvar ho kar rahegi
lakiren faqat khenchta ja varaq par
koi shakl tayar ho kar rahegi
main aisa fasana sunane ko huun ab
ki shab bhar tu bedar ho kar rahegi
ye pagal hava aur safar be-karan ye
juda sar se dastar ho kar rahegi
chala.unga tesha men ab ajizi ka
ana us ki mismar ho kar rahegi
Leave a Reply