Poet
markaz-e-dahr zaat meri hai
rashk-e-duniya hayat meri hai
ye zamin ye falak ye bahr-o-bar
ye hasin ka.enat meri hai
meri ḳhatir nikalta hai suraj
din hai mera ye raat meri hai
varaq-e-gul pe sher hain mere
baat bhi paat paat meri hai
sach ki surat kahi hai jis ne bhi
sach to ye hai vo baat meri hai
kya hua agar nahin mira qabza
phir bhi kul ka.enat meri hai
teri qismat ho ya miri ‘jami’
jo bhi hai tere saath meri hai
Leave a Reply