abrar-ahmad

Waqt Guzarta Nahin

vaqt koi shaam nahin

jise vahshat se Dhanpa ja sake

na koi giit, jis ki lai

hamare honton ki giraft men ho

ye ek la-matanahi la-taalluq hai

vaqt thahra rahta hai

un zaminon par

jahan se nae qafile nikal padte hain

vaqt-guzari ke kathin safar par

guzishta bahut pichhe rah gaya

jahan tak koi sadak nahin jaati

gaadi ki khat-khat se

shahr ki virani kahan kam hoti hai

muqaffal gharon

aur qahva-khanon ki bhunbhunahat men

saari baten to log karte hain!

kitabon ki jilden, kaghazon ka shor

mobile ke paighamat

aur vaqt guzar jaata hai

halanki nahin guzarta

bachchon ko sidhiyan chadha chukne ke baad

dahliz par baith kar

kisi be-samt ufuq ko ghurte hue?

hisab karte hue

un khvabon kaa, jo dekhe

More Poems

Leave a Comment