ham apna jo qissa sunane lage
vo bole ki phir sar phirane lage
kaha tha utha parda-e-sharm ko
vo ulta hamin ko uthane lage
zara dekhiye un ki sannaiyan
mujhe dekh kar munh banane lage
kaha main ne mil ya mujhe maar daal
vo jhat astinen chadhane lage
mujhe aate dekha juun hi duur se
qadam-var jaldi uthane lage
uthe vo to ik hashr barpa kiya
jo baithe to fitna uthane lage
ghiza gham men thi meri khun-e-jigar
ab aada ka bhi rashk khane lage
kamal-e-taashshuq nahin hai hunuz
abhi se vo munh ko chhupane lage
khafa ho ke jab be-bulae gaya
mujhe dekh kar muskurane lage
ghanimat hai itna to uttha hijab
ki ab khvab men bhi vo aane lage
vo dil ke udane se vaqif na the
hamin to ye ghaten batane lage
magar un pe raz-e-mohabbat khula
jo ‘majruh’ se bach ke jaane lage
Leave a Reply