kal tak jo dil ghurur-e-jalal-o-jamal tha
aaj un ke raste men paḌa pa.emal tha
zanjir thi kahin na kahin koi jaal tha
lekin tiri faza se nikalna muhal tha
tha tiir un ke paas vahi ek be-nazir
aur zaḳhm jo laga vo bhi apni misal tha
us ne bhala kaha ki bura us ki ḳhair ho
main sun ke chup raha to ye mera kamal tha
chup-chap sar jhuka.e hue main guzar gaya
main janta tha jo tiri basti ka haal tha
achchha hua guzar gaya ‘aḳhtar’ jahan se
muddat se vo ‘sa.id’ ke gham men niDhal tha
Leave a Reply