andeshon ke darvazon par
koi nishan lagata hai
aur raton raat tamam gharon par
vahi siyahi phir jaati hai
dukh ka shab khuun roz adhura rah jaata hai
aur shanakht ka lamha bitta jaata hai
main aur mera shahr-e-mohabbat
tariki ki chadar odhe
raushni ki aahat par kaan lagae kab se baithe hain
ghodon ki tapon ko sunte rahte hain
had-e-samaat se aage jaane vaali avazon ke resham se
apni ru-e-siyah pe taare kadhte rahte hain
angushta ne ik ik kar ke chhalni hone ko aae
ab baari angusht-e-shahadat ki aane vaali hai
subh se pahle vo katne se bach jaae to!